ფოტოს ავტორი: ლელი ბლაგონრავოვა/UNDP

საქართველოს პარლამენტი იწყებს ცნობიერების ამაღლების კამპანიას საპარლამენტო დემოკრატიის შესახებ, რომელიც გათვლილია სკოლის მოსწავლეებსა და ახალგაზრდობაზე. კამპანიის ფარგლებში, რამდენიმე საჯარო სკოლაში პილოტურად დაინერგება ახალი სასწავლო მოდული „რა ვიცით პარლამენტის შესახებ“. ევროკავშირისა (EU) და გაეროს განვითარების პროგრამის (UNDP) ხელშეწყობით შექმნილი კურსი მარტივად და გასაგებად გადმოსცემს ინფორმაციას პარლამენტზე, დემოკრატიაზე და ქვეყნის მართვაში მოქალაქეთა ჩართულობაზე. მასში შესულია ისტორიული ცნობები საქართველოს პარლამენტზე და აღწერილია თანამედროვე პარლამენტის ძირითადი ფუნქციები.

ახალი სასწავლო მოდული შეიცავს მე-5-ე, მე-6-ე და მე-7-ე კლასების მოსწავლეებისთვის განკუთვნილ ილუსტრირებულ სახელმძღვანელოებსა და მასწავლებლებისთვის განკუთვნილ მეთოდოლოგიურ ინსტრუქციებს. 2021/2022 სასწავლო წელს, განათლებისა და მეცნიერების სამინისტროსთან თანამშრომლობით, სასწავლო კურსი თბილისისა და აღმოსავლეთ საქართველოს (კახეთი, მცხეთა-მთიანეთი, ქვემო ქართლი და შიდა ქართლი) 50 საჯარო სკოლაში სატესტო რეჟიმში დაინერგება. სატესტო სკოლების 50-ზე მეტმა მასწავლებელმა უკვე გაიარა შესაბამისი ტრენინგი სამოქალაქო განათლების მეთოდოლოგიის საკითხებში.

ახალი სასწავლო კურსისთვის შექმნილი სახელმძღვანელოების წარდგენა გაიმართა 5 ივნისს, თბილისში, ბავშვთა ქალაქ „მზიურში“. ღონისძიებაზე მოსულ სკოლის მოსწავლეებს, მასწავლებლებს, პარლამენტის წევრებსა და საგანმანათლებლო ორგანიზაციების წარმომადგენლებს სიტყვით მიმართეს პარლამენტის თავმჯდომარემ კახა კუჭავამ, ევროკავშირის ელჩმა საქართველოში კარლ ჰარცელმა და UNDP-ის მოქმედმა ხელმძღვანელმა ანნა ჩერნიშოვამ.

სკოლის მოსწავლეებმა მონაწილეობა მიიღეს სხვადასხვა გასართობ აქტივობაში, რომელთა შორის იყო წიგნის კუთხე, სახელმძღვანელოების ილუსტრაციების გაფერადება და იდეების დაფის შექმნა „მე რომ პარლამენტის წევრი ვიყო“. ხატვაში ბავშვებს დაეხმარა ცნობილი მხატვარი გამეზა, რომლის ილუსტრაციები შესულია სახელმძღვანელოებში.

„პარლამენტის გაკვეთილები მნიშვნელოვანია იმისთვის, რომ ახალგაზრდებმა მეტი ინფორმაცია მიიღონ, მეტი გაიგონ მათი ქვეყნის მმართველობის შესახებ და უკეთ მოემზადონ მომავლისთვის, რათა  წვლილი შეიტანონ საქართველოში დემოკრატიის განვითარების პროცესში“, - განაცხადა პარლამენტის თავმჯდომარემ კახა კუჭავამ.

„ევროკავშირი საქართველოს ძლიერი მხარდამჭერია საპარლამენტო დემოკრატიის განმტკიცების გზაზე. მოქალაქეთა ჩართულობა, რომელიც ბავშვობიდან და ახალგაზრდობიდან იწყება, დემოკრატიული განვითარების ქვაკუთხედია. მივესალმებით პარლამენტის ახალ საგანმანათლებლო ინიციატივას, რომელიც სკოლებში სამოქალაქო განათლების განვითარებასა და პარლამენტისა და ახალგაზრდების დაახლოებას უწყობს ხელს“, - აღნიშნა ევროკავშირის ელჩმა საქართველოში კარლ ჰარცელმა.

„დემოკრატიის პრინციპების გაცნობიერება კრიტიკულად მნიშვნელოვანია მომავალი მოქალაქეებისთვის. სწორედ ასე ყალიბდება საზოგადოების დამოკიდებულება და აქტიური სამოქალაქო პოზიცია. UNDP მხარს უჭერს სამოქალაქო განათლების განვითარებას, როგორც საპარლამენტო დემოკრატიის ხელშეწყობის ერთ-ერთ საკვანძო შემადგენელს“, - აღნიშნა UNDP-ის მოქმედმა ხელმძღვანელმა ანნა ჩერნიშოვამ

სკოლებში სამოქალაქო განათლების მხარდაჭერა ხორციელდება ევროკავშირისა (EU) და გაეროს განვითარების პროგრამის (UNDP) უფრო ფართო და გრძელვადიანი ინიციატივის ფარგლებში, რომლის მიზანია დემოკრატიის მიღწევების კონსოლიდირება და საპარლამენტო დემოკრატიის განვითარება საქართველოში.       

საკონტაქტო ინფორმაცია

Icon of SDG 04 Icon of SDG 16

დამატებითი ინფორმაცია

ჩატვირთვა…
ჩატვირთვა…
ჩატვირთვა…

UNDP მსოფლიო

ავღანეთი აზერბაიჯანი ალბანეთი ალჟირი ანგოლა არაბთა გაერთიანებული საამიროები არგენტინა

ბანგლადეში ბარბადოსი ბაჰრეინი ბელიზი ბელორუსი ბენინი ბოლივია ბოსნია და ჰერცოგოვინა ბოტსვანა ბრაზილია ბურკინა-ფასო ბურუნდი ბუტანი

გაბონი გამბია განა გვატემალა გვიანა გვინეა გვინეა-ბისაუ

დომინიკის რესპუბლიკა

ეგვიპტე ეთიოპია ეკვადორი ეკვატორული გვინეა ელ სალვადორი ერაყის რესპუბლიკა ერითრეა ესვატინი

ვენესუელა ვიეტნამი

ზამბია ზიმბაბვე

თურქეთი თურქმენეთი

იამაიკა იემენი ინდოეთი ინდონეზია იორდანია ირანი

კაბო-ვერდე კამბოჯა კამერუნი კენია კვიპროსი კოლუმბია კომოროსი კონგოს დემოკრატიული რესპუბლიკა კონგოს რესპუბლიკა კორეის სახალხო დემოკრატიული რესპუბლიკა კოსოვო კოსტა-რიკა კოტ-დივუარი კუბა

ლაოსის სახალხო დემოკრატიული რესპუბლიკა ლესოტო ლიბანი ლიბერია ლიბია

მადაგასკარი მავრიკიის და სეიშელის კუნძულები მავრიტანია მალავი მალაიზია მალდივები მალი მაროკო მექსიკა მიანმარი მოზამბიკი მოლდოვა მონტენეგრო მონღოლეთი

ნამიბია ნეპალი ნიგერი ნიგერია ნიკარაგუა

პაკისტანი პალესტინა (პალესტინის ხალხის მხარდაჭერის პროგრამა) პანამა პაპუა-ახალი გვინეა პარაგვაი პერუ

რუანდა რუსეთის ფედერაცია

სამოა სამხრეთ აფრიკა სამხრეთ სუდანი სან-ტომე და პრინსიპი საუდის არაბეთი საქართველო სენეგალი სერბეთი სიერა ლეონე სირია სომალი სომხეთი სუდანი სურინამი

ტაილანდი ტანზანია ტაჯიკეთი ტიმორ-ლესტე ტოგო ტრინიდადი და ტობაგო ტუნისი

უგანდა უზბეკეთი უკრაინა ურუგვაი

ფილიპინები

ქუვეითი

ყაზახეთი ყირგიზეთი

ჩადი ჩილე ჩინეთი ჩრდილოეთ მაკედონია

ცენტრალური აფრიკის რესპუბლიკა

წყნარი ოკენეს რეგიონი

ხორვატია

ჯიბუტი

ჰაიტი ჰონდურასი