ფოტოს ავტორი: ნინო ზედგინიძე/UNDP

ეკონომიკური საქმიანობა ხშირად უარყოფით ზემოქმედებას ახდენს გარემოზე, რაც შესაბამისი მონიტორინგის განხორციელებასა და სხვა პრევენციული ზომების გატარებას მოითხოვს. ამის გათვალისწინებით, გაეროს განვითარების პროგრამა (UNDP) მხარს უჭერს გარემოსდაცვითი პასუხისმგებლობის შესახებ კანონმდებლობის შემუშავებას, რომელიც ვალდებულებას დააკისრებს კერძო კომპანიებს გარემოს დაზიანებისთვის.

2021 წლის მარტში საქართველოს პარლამენტმა მიიღო კანონი გარემოსდაცვითი პასუხისმგებლობის შესახებ, რომელიც ძალაში 2022 წელს უნდა შევიდეს. UNDP-ის მხარდაჭერით, გარემოს დაცვისა და სოფლის მეურნეობის სამინისტრო დაასრულებს აღნიშნული კანონის ხუთი კანონქვემდებარე აქტის შემუშავებას, რომლებშიც დეტალურად იქნება გაწერილი გარემოზე ზემოქმედების მონიტორინგისა და მიყენებული ზიანის შემთხვევაში ვალდებულების დაკისრებისა და აღსრულების მექანიზმები.

13 აპრილს ხელმოწერილი მემორანდუმის ფარგლებში, გაეროს განვითარების პროგრამა (UNDP) და გარემოს დაცვისა და სოფლის მეურნეობის სამინისტრო შეთანხმდნენ, რომ აქტიურად ითანამშრომლებენ სამთავრობო უწყებებსა და კერძო სექტორთან გარემოზე ზემოქმედების შეფასების მოქნილი მექანიზმის შესამუშავებლად. გარდა ამისა, UNDP ხელს შეუწყობს გარემოსდაცვითი ცნობიერების ამაღლებას და გარემოსდაცვითი განათლების დანერგვას საშუალო სკოლებში.

106,000 აშშ დოლარის ღირებულების ცხრათვიანი პროექტი განხორციელდება UNDP-სა და შვედეთის მთავრობის ფართომასშტაბიანი პროგრამის ფარგლებში, რომელიც საქართველოს საჯარო სექტორში მიმდინარე რეფორმების ხელშეწყობას ემსახურება.

”საჯარო, კერძო და სამოქალაქო სექტორების თანამშრომლობა მნიშვნელოვანია საქართველოს გარემოსდაცვითი მიზნების მისაღწევად. გარემოსდაცვითი პასუხისმგებლობა გარემოზე ზემოქმედების მონიტორინგისა და ზიანის პრევენციის ეფექტიანი მექანიზმია, რომელსაც ევროკავშირის წევრი ქვეყნები და სხვა სახელმწიფოები იყენებენ“, -  განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა.

”ეკონომიკური წარმატების მიღწევა შეუძლებელია გარემოს ხარჯზე. პირიქით, სწორედ მწვანე მდგომების დანერგვა განაპირობებს ეკონომიკის მდგრადობას და სიძლიერეს. ჩვენი მიზანია, ხელი შევუწყოთ გარემოსდაცვითი პოლიტიკის გაუმჯობესებას, რაც საფუძველს შექმნის საქართველოში პასუხისმგებლიანი ბიზნესისა და მდგრადი წარმოების განვითარებისთვის“, -  აღნიშნა UNDP-ის მოქმედმა ხელმძღვანელმა ანა ჩერნიშოვამ.

”გარემოს დაცვა ჩვენი საერთო პასუხისმგებლობაა. შვედეთი მხარს უჭერს საქართველოს მიერ მდგრადი განვითარების მიზნების მიღწევას, მათ შორის, მე-12 მიზნის, რომელიც პასუხისმგებლიან წარმოებასა და მოხმარებას ითვალისწინებს”, - განაცხადა საქართველოში შვედეთის ელჩის მოადგილემ, შვედეთის განვითარებისა და თანამშრომლობის სააგენტოს ხელმძღვანელმა, ერიკ ილესმა.

გაეროს განვითარების პროგრამისა (UNDP) და შვედეთის მხარდაჭერით, გარემოს დაცვისა და სოფლის მეურნეობის სამინისტროს უწყებები, მათ შორის, გარემოსდაცვითი ინფორმაციისა და განათლების ცენტრი, გარემოს ეროვნული სააგენტო და სხვა, დაასრულებენ გარემოსდაცვითი პასუხისმგებლობის კანონქვემდებარე აქტებზე მუშაობას და მთავრობას წარუდგენენ დასამტკიცებლად. სამინისტროს 60 თანამშრომელი გაივლის გადამზადების პროგრამებს გარემოსდაცვითი მონიტორინგის ჩატარებისა და გარემოსდაცვითი პასუხისმგებლობის აღსრულების საკითხებში.    

გარემოსდაცვითი ინფორმაციისა და განათლების ცენტრის ჩართულობით, ინფორმაცია გავრცელდება როგორც თბილისში, ასევე საქართველოს რეგიონებში. საინფორმაციო კამპანიის მსვლელობაში გამოყენებული იქნება ელექტრონული რესურსებიც, მათ შორის ცენტრის ვებგვერდი, რომელიც ადაპტირებული იქნება შეზღუდული შესაძლებლობის მქონე პირებისთვის.

გარდა ამისა, UNDP-სა და შვედეთის ხელშეწყობითა და განათლებისა და მეცნიერების სამინისტროსთან თანამშრომლობით, გარემოსდაცვითი ინფორმაციისა და განათლების ცენტრი შეიმუშავებს სასწავლო კურსს მოზარდებისთვის, რომელიც სასკოლო პროგრამებში დაინერგება.

საკონტაქტო ინფორმაცია

Slide
ფოტოს ავტორი: ნინო ზედგინიძე/UNDP
Slide
ფოტოს ავტორი: ნინო ზედგინიძე/UNDP
Slide
ფოტოს ავტორი: ნინო ზედგინიძე/UNDP
Slide
ფოტოს ავტორი: ნინო ზედგინიძე/UNDP
Slide
ფოტოს ავტორი: ნინო ზედგინიძე/UNDP
Icon of SDG 12 Icon of SDG 16

დამატებითი ინფორმაცია

ჩატვირთვა…
ჩატვირთვა…
ჩატვირთვა…

UNDP მსოფლიო

ავღანეთი აზერბაიჯანი ალბანეთი ალჟირი ანგოლა არაბთა გაერთიანებული საამიროები არგენტინა

ბანგლადეში ბარბადოსი ბაჰრეინი ბელიზი ბელორუსი ბენინი ბოლივია ბოსნია და ჰერცოგოვინა ბოტსვანა ბრაზილია ბურკინა-ფასო ბურუნდი ბუტანი

გაბონი გამბია განა გვატემალა გვიანა გვინეა გვინეა-ბისაუ

დომინიკის რესპუბლიკა

ეგვიპტე ეთიოპია ეკვადორი ეკვატორული გვინეა ელ სალვადორი ერაყის რესპუბლიკა ერითრეა ესვატინი

ვენესუელა ვიეტნამი

ზამბია ზიმბაბვე

თურქეთი თურქმენეთი

იამაიკა იემენი ინდოეთი ინდონეზია იორდანია ირანი

კაბო-ვერდე კამბოჯა კამერუნი კენია კვიპროსი კოლუმბია კომოროსი კონგოს დემოკრატიული რესპუბლიკა კონგოს რესპუბლიკა კორეის სახალხო დემოკრატიული რესპუბლიკა კოსოვო კოსტა-რიკა კოტ-დივუარი კუბა

ლაოსის სახალხო დემოკრატიული რესპუბლიკა ლესოტო ლიბანი ლიბერია ლიბია

მადაგასკარი მავრიკიის და სეიშელის კუნძულები მავრიტანია მალავი მალაიზია მალდივები მალი მაროკო მექსიკა მიანმარი მოზამბიკი მოლდოვა მონტენეგრო მონღოლეთი

ნამიბია ნეპალი ნიგერი ნიგერია ნიკარაგუა

პაკისტანი პალესტინა (პალესტინის ხალხის მხარდაჭერის პროგრამა) პანამა პაპუა-ახალი გვინეა პარაგვაი პერუ

რუანდა რუსეთის ფედერაცია

სამოა სამხრეთ აფრიკა სამხრეთ სუდანი სან-ტომე და პრინსიპი საუდის არაბეთი საქართველო სენეგალი სერბეთი სიერა ლეონე სირია სომალი სომხეთი სუდანი სურინამი

ტაილანდი ტანზანია ტაჯიკეთი ტიმორ-ლესტე ტოგო ტრინიდადი და ტობაგო ტუნისი

უგანდა უზბეკეთი უკრაინა ურუგვაი

ფილიპინები

ქუვეითი

ყაზახეთი ყირგიზეთი

ჩადი ჩილე ჩინეთი ჩრდილოეთ მაკედონია

ცენტრალური აფრიკის რესპუბლიკა

წყნარი ოკენეს რეგიონი

ხორვატია

ჯიბუტი

ჰაიტი ჰონდურასი