Photo: Vladimir Valishvili/UNDP

ბუნების დაცვა საქართველოს ეროვნული პრიორიტეტია. დაცული ტერიტორიები საგრძნობლად გაიზარდა გასული 30 წლის მანძილზე და ამჟამად ქვეყნის მთლიანი ფართობის თითქმის 10 პროცენტს შეადგენს.

რეინჯერის მსოფლიო დღეზე, რომლის საზეიმო აღნიშვნა 31 ივლისს თბილისის სიახლოვეს საბადურის ტყეში გაიმართა, ღონისძიების მონაწილეებმა ხაზი გაუსვეს, რომ საქართველოს მდიდარი ბუნება ფასდაუდებელი სიმდიდრეა, რომელიც დაცვას საჭიროებს. მნიშვნელოვანი მიღწევების მიუხედავად, გაცილებით მეტია გასაკეთებელი იმისთვის, რომ გარემოსდაცვითი და კლიმატის პოლიტიკა ქვეყნის განვითარების ყველა სექტორში სათანადოდ დაინერგოს.

ღონისძიება გაიმართა საქართველოს გარემოს დაცვისა და სოფლის მეურნეობის სამინისტროს სსიპ „დაცული ტერიტორიების სააგენტოს“ ორგანიზებით და საერთაშორისო პარტნიორების - გაეროს განვითარების პროგრამის (UNDP), შვედეთის მთავრობის, გერმანიის მთავრობის, იაპონიის მთავრობისა კავკასიის ბუნების ფონდის (CNF) და სხვათა მხარდაჭერით.

საქართველოს მთავრობისა და პარლამენტის წევრებმა და საელჩოებისა და საერთაშორისო ორგანიზაციების წარმომადგენლებმა მიულოცეს საქართველოს რეინჯერებს მათი პროფესიული დღე და პატივი მიაგეს რეინჯერების ხსოვნას, რომლებიც პროფესიული მოვალეობის შესრულებისას დაიღუპნენ.

„ყველა რეინჯერს ვულოცავ დღევანდელ დღეს“, - განაცხადა საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა. „400 რეინჯერი საქართველოს ყველაზე ლამაზ და უნიკალურ ტერიტორიებს იცავს. თითოეული მათგანი საკუთარი სიცოცხლის რისკის ფასად ასრულებს მასზე დაკისრებულ მოვალეობას. სწორედ ამიტომ არიან ეს ადამიანები  გმირები”.

„კლიმატის ცვლილება, ისევე როგორც ადამიანის საქმიანობით გამოწვეული სხვა კატასტროფები, განგაშის ზარია, რომელიც გვახსენებს, რომ კაცობრიობა დაუფიქრებლად ხელყოფს ბუნების მიერ დაწესებულ ჩარჩოებს“, - აღნიშნა UNDP-ის ხელმძღვანელმა ლუიზა ვინტონმა. „დღეს ჩვენ მადლობას ვუხდით საქართველოს დაცული ტერიტორიების მცველებს, მაგრამ ყოველი ჩვენგანი თავად უნდა გახდეს რეინჯერი, რომელსაც ჩვენი პლანეტის დაცვა და მომავალი თაობებისთვის შენარჩუნება ევალება“.

დაცული ტერიტორიების განვითარება საქართველოს ერთ-ერთი პრიორიტეტია, რაც განმტკიცებულია შესაბამისი ეროვნული პოლიტიკითა და სტრატეგიებით. 1991 წლის შემდეგ, დაცული ტერიტორიების მთლიანი ფართობი თითქმის გასამმაგდა და ამჟამად 667,000 ათას ჰექტარს იკავებს.

საქართველო ასევე ატარებს  რამდენიმე ფუნდამენტურ რეფორმას, რომელთა მიზანია დაცული ტერიტორიების მართვის გაუმჯობესება, ბიომრავალფეროვნების უკეთ დაცვის უზრუნველყოფა და ეკოსისტემის სერვისების ინტეგრირება ქვეყნის ეკონომიკურ და სოციალურ განვითარებაში.

რეინჯერების ინსტიტუტის გაძლიერება სწორედ ამ რეფორმების ნაწილია, რაც საქართველოს ეროვნული პარკების მართვასა და დაცვას, ხოლო მათი სტუმრების უსაფრთხოებასა და ინფორმირებას ემსახურება. დღეს საქართველოს დაცულ ტერიტორიებზე დასაქმებულია 396 რეინჯერი, მათ შორის ხუთი ქალი.

გაეროს განვითარების პროგრამა (UNDP) ათ წელზე მეტია ხელს უწყობს საქართველოს დაცული ტერიტორიების განვითარებას. UNDP-ის დახმარება ხორცილდება შვედეთის მთავრობისა და გლობალური გარემოსდაცვითი ფონდის (GEF) მხარდაჭერით და დაცული ტერიტორიების სააგენტოსთან მჭიდრო თანამშრომლობით. დაცული ტერიტორიების ხელშეწყობის საქმეში UNDP ასევე თანამშრომლობს ეროვნულ და ადგილობრივ ხელისუფლებასთან, საგანმანათლებლო დაწესებულებებთან, სამოქალაქო საზოგადოებასა და ადგილობრივ მოსახლეობასთან.

ბოლო წლებში განხორციელებული და მიმდინარე პროექტებისა და ინიციატივების ძირითადი მიმართულებებია დაცული ტერიტორიების განვითარების სტრატეგიებისა და სამოქმედო გეგმების შემუშავება, მათი ფინანსური მდგრადობის უზრუნველყოფა, რეინჯერების განათლებისა და სათანადო აღჭურვის ხელშეწყობა, ეკო-ტურიზმის განვითარება, ტურისტული ინფრასტრუქტურის, მაგალითად, ბილიკებისა და საინფორმაციო ცენტრების მოწყობა, და საზოგადოების ინფორმირება დაცული ტერიტორიების  შესახებ.           

საკონტაქტო ინფორმაცია

Icon of SDG 13 Icon of SDG 14 Icon of SDG 15

დამატებითი ინფორმაცია

ჩატვირთვა…
ჩატვირთვა…
ჩატვირთვა…

UNDP მსოფლიო

ავღანეთი აზერბაიჯანი ალბანეთი ალჟირი ანგოლა არაბთა გაერთიანებული საამიროები არგენტინა

ბანგლადეში ბარბადოსი ბაჰრეინი ბელიზი ბელორუსი ბენინი ბოლივია ბოსნია და ჰერცოგოვინა ბოტსვანა ბრაზილია ბურკინა-ფასო ბურუნდი ბუტანი

გაბონი გამბია განა გვატემალა გვიანა გვინეა გვინეა-ბისაუ

დომინიკის რესპუბლიკა

ეგვიპტე ეთიოპია ეკვადორი ეკვატორული გვინეა ელ სალვადორი ერაყის რესპუბლიკა ერითრეა ესვატინი

ვენესუელა ვიეტნამი

ზამბია ზიმბაბვე

თურქეთი თურქმენეთი

იამაიკა იემენი ინდოეთი ინდონეზია იორდანია ირანი

კაბო-ვერდე კამბოჯა კამერუნი კენია კვიპროსი კოლუმბია კომოროსი კონგოს დემოკრატიული რესპუბლიკა კონგოს რესპუბლიკა კორეის სახალხო დემოკრატიული რესპუბლიკა კოსოვო კოსტა-რიკა კოტ-დივუარი კუბა

ლაოსის სახალხო დემოკრატიული რესპუბლიკა ლესოტო ლიბანი ლიბერია ლიბია

მადაგასკარი მავრიკიის და სეიშელის კუნძულები მავრიტანია მალავი მალაიზია მალდივები მალი მაროკო მექსიკა მიანმარი მოზამბიკი მოლდოვა მონტენეგრო მონღოლეთი

ნამიბია ნეპალი ნიგერი ნიგერია ნიკარაგუა

პაკისტანი პალესტინა (პალესტინის ხალხის მხარდაჭერის პროგრამა) პანამა პაპუა-ახალი გვინეა პარაგვაი პერუ

რუანდა რუსეთის ფედერაცია

სამოა სამხრეთ აფრიკა სამხრეთ სუდანი სან-ტომე და პრინსიპი საუდის არაბეთი საქართველო სენეგალი სერბეთი სიერა ლეონე სირია სომალი სომხეთი სუდანი სურინამი

ტაილანდი ტანზანია ტაჯიკეთი ტიმორ-ლესტე ტოგო ტრინიდადი და ტობაგო ტუნისი

უგანდა უზბეკეთი უკრაინა ურუგვაი

ფილიპინები

ქუვეითი

ყაზახეთი ყირგიზეთი

ჩადი ჩილე ჩინეთი ჩრდილოეთ მაკედონია

ცენტრალური აფრიკის რესპუბლიკა

წყნარი ოკენეს რეგიონი

ხორვატია

ჯიბუტი

ჰაიტი ჰონდურასი