ფოტოს ავტორი: ვლადიმირ ვალიშვილი/UNDP

საქართველოში სათბური აირების გაფრქვევის მთავარ წყაროს ენერგეტიკის სექტორი წარმოადგენს, რომელზეც ემისიების ნახევარზე მეტი მოდის. სოფლის მეურნეობა, წარმოება და ნარჩენები შემდეგ სამ პოზიციას იკავებენ, თუმცა ბოლო წლებში ამ სექტორებიდან წარმოშობილი ემისიების წილი თანდათან იზრდება. სათბური აირების გაფრქვევის ყველაზე მაღალი მაჩვენებელი 1990 წელს აღინიშნებოდა, ხოლო საბჭოთა დროინდელი წარმოების კოლაფსის შემდეგ თითქმის სამჯერ შემცირდა. ბოლო ათი წლის მანძილზე სათბური აირების გაფრქვევა უმნიშვნელოდ გაიზარდა, თუმცა 1990 წლის მაჩვენებელთან შედარებით კვლავ  საგრძნობლად ნაკლებია.

სათბური აირების გაფრქვევის მაჩვენებლები და  კლიმატის ცვლილებასთან დაკავშირებული სხვა ინფორმაცია წარმოდგენილია მეორე ორწლიურ ანგარიშში, რომელიც საქართველომ კლიმატის ცვლილების შესახებ გაეროს ჩარჩო კონვენციის (UNFCCC) მიმართ წარადგინა. ანგარიში საქართველოს მთავრობის მიერ გაეროს განვითარების პროგრამისა (UNDP) და გლობალური გარემოსდაცვითი ფონდის (GEF)  ხელშეწყობით მომზადდა, ხოლო მისი საჯარო წარდგენა 2019 წლის 18 დეკემბერს გაიმართა.

„გაეროს კონვენციის მიმართ ანგარიშის მომზადება მნიშვნელოვანია კლიმატის ცვლილებასთან დაკავშირებული ეროვნული პოლიტიკის გასატარებლად“, - განაცხადა საქართველოს გარემოს  დაცვისა და სოფლის მეურნეობის მინისტრის მოადგილემ, ნინო თანდილაშვილმა. „უახლეს ანგარიშში მოყვანილია საყურადღებო ინფორმაცია სათბური აირების გაფრქვევის 25-წლიანი დინამიკის შესახებ, ასევე საქართველოს არსებული საჭიროებები და მომავალში გასატარებელი ღონისძიებები  კლიმატისადმი მედეგი ქვეყნის მშენებლობის გზაზე“.

„2019 წელი საკვანძო თარიღია პარიზის შეთანხმების შესრულებაში, რადგან მსოფლიოს ქვეყნებმა უნდა განაახლონ შეთანხმების ფარგლებში აღებული ეროვნული ვალდებულებები სათბური აირების გაფრქვევის შემცირებასთან დაკავშირებით“, - აღნიშნა UNDP-ის ხელმძღვანელის მოადგილემ ანნა ჩერნიშოვამ. „საქართველო  მზადაა ამ მიმართულებით უფრო ამბიციური გეგმები დაისახოს და მწვანე ეკონომიკის განვითარებისკენ  შემდგომი ნაბიჯები გადადგას, რაშიც მას გაეროს განვითარების პროგრამა დაეხმარება“.  

კლიმატის ცვლილების შესახებ გაეროს ჩარჩო კონვენციის მიმართ ორწლიური ანგარიშების მომზადება საქართველომ 2016 წელს დაიწყო. ანგარიშების მიზანია სათბური აირების ინვენტარიზაცია და კლიმატის ცვლილების შერბილებასთან დაკავშირებული ეროვნული პოლიტიკისა და შესაბამისი ღონისძიებების აღწერა.

საქართველოს უახლესი ორწლიური ანგარიში 2017-2019 წლებში მომზადდა. ის შეიცავს განახლებულ ინფორმაციას სათბური აირების გაფრქვევის წყაროების თაობაზე და გაზომვის, ანგარიშგებისა და ვერიფიკაციის (MRV) ეროვნული სისტემის აღწერას. აქვე წარმოდგენილია ინფორმაცია შესრულებული, მიმდინარე და დაგეგმილი ღონისძიებებისა და ზომების შესახებ, რომლებიც კლიმატის ცვლილების შერბილებას ემსახურება. ამ ინფორმაციაზე დაყრდნობით შესაძლებელია სათბური აირების გაფრქვევის დინამიკის გამოვლენა, კლიმატის ცვლილებასთან დაკავშირებული ფინანსირების მონიტორინგი და კლიმატის ცვლილების შედეგების შერბილების მიზნით გატარებული ღონისძიებების შედეგების შეფასება.

ორწლიურ ანგარიშში აღწერილია საქართველოს გამოწვევები კლიმატის ცვლილების შერბილებისა და ადაპტაციის გზაზე. მათ შორის, ფრაგმენტირებული და არათანმიმდევრული კანონმდებლობა, გაუმართავი ინსტიტუციური მექანიზმები, არასაკმარისი ეროვნული დაფინანსება, ხარისხიანი კვლევისა და კლიმატისადმი მეგობრული ტექნოლოგიების ნაკლებობა.

ანგარიშის ერთ-ერთი რეკომენდაცია ეხება კლიმატის ცვლილების კომიტეტის შექმნას, რომლის ფუნქციებში შევა კლიმატის ცვლილებასთან დაკავშირებული ყველა ღონისძიების კოორდინირება.

საქართველოს მეორე განახლებული ორწლიური ანგარიშის შემუშავებაში მონაწილეობდნენ სახელმწიფო უწყებები, სამოქალაქო საზოგადობა, აკადემიური და საგანმანათლებლო ინსტიტუტები და საერთაშორისო პარტნიორები. 2019 წლის ივნისში საქართველოს ანგარიშმა გაეროს კონვენციის სამდივნოს დადებითი შეფასება მიიღო.

საკონტაქტო ინფორმაცია:

  • ნანა ჩინჩილაკაშვილი, საქართველოს გარემოს  დაცვისა და სოფლის მეურნეობის სამინისტრო, +995 599 502619, nana.chinchilakashvili@mepa.gov.ge
  • სოფო ჭიჭინაძე, UNDP, +995 599 196907, sophie.tchitchinadze@undp.org
  • ირა სულავა, UNDP, +995 599 579105, irine.sulava@UNDP.org

დამატებითი ინფორმაცია

ჩატვირთვა…
ჩატვირთვა…
ჩატვირთვა…
Icon of SDG 13

UNDP მსოფლიო

ავღანეთი აზერბაიჯანი ალბანეთი ალჟირი ანგოლა არაბთა გაერთიანებული საამიროები არგენტინა

ბანგლადეში ბარბადოსი ბაჰრეინი ბელიზი ბელორუსი ბენინი ბოლივია ბოსნია და ჰერცოგოვინა ბოტსვანა ბრაზილია ბურკინა-ფასო ბურუნდი ბუტანი

გაბონი გამბია განა გვატემალა გვიანა გვინეა გვინეა-ბისაუ

დომინიკის რესპუბლიკა

ეგვიპტე ეთიოპია ეკვადორი ეკვატორული გვინეა ელ სალვადორი ერაყის რესპუბლიკა ერითრეა ესვატინი

ვენესუელა ვიეტნამი

ზამბია ზიმბაბვე

თურქეთი თურქმენეთი

იამაიკა იემენი ინდოეთი ინდონეზია იორდანია ირანი

კაბო-ვერდე კამბოჯა კამერუნი კენია კვიპროსი კოლუმბია კომოროსი კონგოს დემოკრატიული რესპუბლიკა კონგოს რესპუბლიკა კორეის სახალხო დემოკრატიული რესპუბლიკა კოსოვო კოსტა-რიკა კოტ-დივუარი კუბა

ლაოსის სახალხო დემოკრატიული რესპუბლიკა ლესოტო ლიბანი ლიბერია ლიბია

მადაგასკარი მავრიკიის და სეიშელის კუნძულები მავრიტანია მალავი მალაიზია მალდივები მალი მაროკო მექსიკა მიანმარი მოზამბიკი მოლდოვა მონტენეგრო მონღოლეთი

ნამიბია ნეპალი ნიგერი ნიგერია ნიკარაგუა

პაკისტანი პალესტინა (პალესტინის ხალხის მხარდაჭერის პროგრამა) პანამა პაპუა-ახალი გვინეა პარაგვაი პერუ

რუანდა რუსეთის ფედერაცია

სამოა სამხრეთ აფრიკა სამხრეთ სუდანი სან-ტომე და პრინსიპი საუდის არაბეთი საქართველო სენეგალი სერბეთი სიერა ლეონე სირია სომალი სომხეთი სუდანი სურინამი

ტაილანდი ტანზანია ტაჯიკეთი ტიმორ-ლესტე ტოგო ტრინიდადი და ტობაგო ტუნისი

უგანდა უზბეკეთი უკრაინა ურუგვაი

ფილიპინები

ქუვეითი

ყაზახეთი ყირგიზეთი

ჩადი ჩილე ჩინეთი ჩრდილოეთ მაკედონია

ცენტრალური აფრიკის რესპუბლიკა

წყნარი ოკენეს რეგიონი

ხორვატია

ჯიბუტი

ჰაიტი ჰონდურასი