ფოტოს ავტორი: ვლადიმირ ვალიშვილი/UNDP

არასამთავრო და სათემო ორგანიზაციების 18 ახალი ინიციატივა, რომელიც დღეს საქართველოს რეგიონებში დაიწყო, მნიშვნელოვან წვლილს შეიტანს როგორც საქართველოს უნიკალური ბუნებრივი გარემოს დაცვის საქმეში, ასევე კლიმატის ცვლილებასთან დაკავშირებულ საქმიანობაში. პროექტების დაფინანსება შესაძლებელი გახდა გლობალური გარემოსდაცვითი ფონდის (GEF) მცირე გრანტების პროგრამის მეშვეობით, რომელსაც გაეროს განვითარების პროგრამა (UNDP) საქართველოს გარემოს დაცვისა და სოფლის მეურნეობის სამინისტროსთან თანამშრომლობით ახორციელებს.

თვრამეტივე პროექტის საერთო ღირებულება 1.1 მილიონი აშშ დოლარია. აქედან, გარემოსდაცვითი ფონდის (GEF) მცირე გრანტების პროგრამის და გაეროს განვითარების პროგრამის (UNDP) მიერ გათვალისწინებული დაფინანსება 500,000 აშშ დოლარს აღწევს, ხოლო მონაწილე ორგანიზაციების მიერ მოზიდული ფულადი და არამონეტარული თანადაფინანსება 600,000 აშშ დოლარია.

ახალი პროექტების ფარგლებში განსაკუთრებული ყურადღება დაეთმობა საკვანძო გარემოსდაცვით საკითხებს, რომლებიც უშუალო გავლენას ახდენენ რეგიონებში მცხოვრები მოსახლეობის კეთილდღეობაზე. მათ შორისაა: კლიმატის ცვლილება, ბიომრავალფეროვნების შენარჩუნება, ლანდშაფტების კონსერვაცია და ენერგო ეფექტური ტექნოლოგიების შემოღება.

დღეს არასამთავრობო და სათემო ორგანიზაციების წარმომადგენლები შეხვდნენ ლუიზა ვინტონს, გაეროს განვითარების პროგრამის (UNDP) ხელმძღვანელს საქართველოში, და ლევან დავითაშვილს, საქართველოს გარემოს დაცვისა და სოფლის მეურნეობის მინისტრს. 

„ამ კვირაში ნიუ იორკში გაიმართა გაეროს კლიმატის სამიტი, რომლის მსვლელობაში მსოფლიო ლიდერები, მათ შორის საქართველოს პრეზიდენტი, განიხილავდნენ იმ კონკრეტულ ნაბიჯებს, რომლებიც აუცილებელია სათბური გაზების გაფრქვევის  შემცირებისთვის, მწვანე ეკონომიკაზე გადასვლისთვის და კლიმატის ცვლილებასთან გამკლავებისთვის“, - განაცხადა ლუიზა ვინტონმა. „ამ გლობალური გეგმის შესრულება შეუძლებელი იქნებოდა ადგილობრივი მოსახლეობისა და სამოქალაქო საზოგადოების აქტიური ჩართულობის გარეშე. მათი იდეები, ენერგია და ადგილობრივი ვითარების ცოდნა უმნიშვნელოვანესი რესურსია იმისთვის, რომ გარემოსდაცვითმა აზროვნებამ საზოგადოების ყველა წევრამდე მიაღწიოს და განვითარების ყველა სფერო მოიცვას“.

„საქართველოს მთავრობა მტკიცედ იცავს კლიმატის ცვლილებასთან და გარემოს დაცვასთან დაკავშირებულ დღის წესრიგს, რომელიც გაწერილია ჩვენს ეროვნულ სტრატეგიებსა და სამოქმედო გეგმებში“, - აღნიშნა გარემოს დაცვისა და სოფლის მეურნეობის მინისტრმა. „საქართველოს მდგრადი და მწვანე მომავლის მშენებლობის გზაზე ვეყრდნობით კონსტრუქტულ თანამშრომლობას ადგილობრივ მოსახლეობასთან და სამოქალაქო საზოგადოებასთან“.   

გლობალური გარემოსდაცვითი ფონდის (GEF) მცირე გრანტების პროგრამა საქართველოში 2012 წლიდან ხორციელდება. ამ ხნის მანძილზე 67-ზე მეტი წარმატებული ადგილობრივი პროექტი შესრულდა, ხოლო გაცემული გრანტების ოდენობამ 1.6 მილიონ აშშ დოლარს გადააჭარბა. გარემოსდაცვით საკითხებთან ერთად ადგილობრივი პროექტები ხელს უწყობენ მდგომარეობის გაუმჯობესებას ისეთ საკითხებში, როგორიცაა სიღარიბის შემცირება, გენდერული თანასწორობა და განათლება.

საქართველოში განხორციელებული წარმატებული პროექტების ნუსხაშია კოლხური ხოხბის აღდგენა ვაშლოვანის დაცულ ტერიტორიებზე, მთის ფერდობების გამაგრება ყაზბეგში, იშვიათი მცენარეების კონსერვაცია კოლხეთის დაბლობზე, ურბანული ეზოების გამწვანება თბილისში, ენერგო ეფექტური ტექნოლოგიების დემონსტრირება ბორჯომ-ხარაგაულის ეროვნული პარკის ალპურ საძოვრებზე და მრავალი სხვა.

საკონტაქტო ინფორმაცია

  • სოფო ჭიჭინაძე, UNDP საქართველო, +995 599 196907, sophie.tchitchinadze@undp.org
  • ნანა ჩინჩილაკაშვილი, საქართველოს გარემოს დაცვისა და სოფლის მეურნეობის სამინისტრო, +995 599 502619, nana.chinchilakashvili@mepa.gov.ge

დამატებითი ინფორმაცია

Loading…
Loading…
Loading…
Loading…
Icon of SDG 01 Icon of SDG 06 Icon of SDG 07 Icon of SDG 13 Icon of SDG 15

UNDP მსოფლიო

ავღანეთი აზერბაიჯანი ალბანეთი ალჟირი ანგოლა არაბთა გაერთიანებული საამიროები არგენტინა

ბანგლადეში ბარბადოსი ბაჰრეინი ბელიზი ბელორუსი ბენინი ბოლივია ბოსნია და ჰერცოგოვინა ბოტსვანა ბრაზილია ბურკინა-ფასო ბურუნდი ბუტანი

გაბონი გამბია განა გვატემალა გვიანა გვინეა გვინეა-ბისაუ

დომინიკის რესპუბლიკა

ეგვიპტე ეთიოპია ეკვადორი ეკვატორული გვინეა ელ სალვადორი ერაყის რესპუბლიკა ერითრეა ესვატინი

ვენესუელა ვიეტნამი

ზამბია ზიმბაბვე

თურქეთი თურქმენეთი

იამაიკა იემენი ინდოეთი ინდონეზია იორდანია ირანი

კაბო-ვერდე კამბოჯა კამერუნი კენია კვიპროსი კოლუმბია კომოროსი კონგოს დემოკრატიული რესპუბლიკა კონგოს რესპუბლიკა კორეის სახალხო დემოკრატიული რესპუბლიკა კოსოვო კოსტა-რიკა კოტ-დივუარი კუბა

ლაოსის სახალხო დემოკრატიული რესპუბლიკა ლესოტო ლიბანი ლიბერია ლიბია

მადაგასკარი მავრიკიის და სეიშელის კუნძულები მავრიტანია მალავი მალაიზია მალდივები მალი მაროკო მექსიკა მიანმარი მოზამბიკი მოლდოვა მონტენეგრო მონღოლეთი

ნამიბია ნეპალი ნიგერი ნიგერია ნიკარაგუა

პაკისტანი პალესტინა (პალესტინის ხალხის მხარდაჭერის პროგრამა) პანამა პაპუა-ახალი გვინეა პარაგვაი პერუ

რუანდა რუსეთის ფედერაცია

სამოა სამხრეთ აფრიკა სამხრეთ სუდანი სან-ტომე და პრინსიპი საუდის არაბეთი საქართველო სენეგალი სერბეთი სიერა ლეონე სირია სომალი სომხეთი სუდანი სურინამი

ტაილანდი ტანზანია ტაჯიკეთი ტიმორ-ლესტე ტოგო ტრინიდადი და ტობაგო ტუნისი

უგანდა უზბეკეთი უკრაინა ურუგვაი

ფილიპინები

ქუვეითი

ყაზახეთი ყირგიზეთი

ჩადი ჩილე ჩინეთი ჩრდილოეთ მაკედონია

ცენტრალური აფრიკის რესპუბლიკა

წყნარი ოკენეს რეგიონი

ხორვატია

ჯიბუტი

ჰაიტი ჰონდურასი