ფოტოს ავტორი: ნინო ზედგინიძე/UNDP

დღეს თბილისში გაიხსნა საერთაშორისო კონფერენცია „თბილისის არბიტრაჟის დღეები“. საერთაშორისო არბიტრაჟის ამ ყველაზე დიდ ფორუმს ჩვენს რეგიონში ასზე მეტი მონაწილე ესწრება, მათ შორის არბიტრაჟის წამყვანი ექსპერტები და პრაქტიკოსი იურისტები ევროკავშირიდან, საქართველოდან და ცენტრალური აზიიდან, მართლმსაჯულების სისტემის, ბიზნესის, ხელისუფლებისა და  სამოქალაქო საზოგადოების წარმომადგენლები.

თბილისის არბიტრაჟის დღეების ორგანიზატორია საქართველოს სავაჭრო-სამრეწველო პალატასთან არსებული საერთაშორისო საარბიტრაჟო ცენტრი (GIAC), ევროკავშირისა (EU) და გაეროს განვითარების პროგრამის (UNDP) მხარდაჭერით.

„საქართველომ მნიშვნელოვანი ნაბიჯები გადადგა დავების გადაწყვეტის ალტერნატიული მექანიზმების, მათ შორის მედიაციისა და არბიტრაჟის, განვითარების მიმართულებით“, - განაცხადა საქართველოს ვიცე პრემიერმა და იუსტიციის მინისტრმა, თეა წულუკიანმა. „ხელსაყრელი საკანონმდებლო და ბიზნეს გარემო კარგ  საფუძველს ქმნის საქართველოში არბიტრაჟის რეგიონული ჰაბის ჩამოყალიბებისთვის“.

„ვთვლი, რომ მსგავსი კონფერენციების თბილისში ჩატარება უაღრესად მნიშვნელოვანია და ხელს უწყობს ბიზნესის ცნობიერების ამაღლებას არბიტრაჟის შესაძლებლობების შესახებ დროისა და ხარჯების  დაზოგვის თვალსაზრისით,“ - აღნიშნა ევროკავშირის ელჩმა კარლ ჰარცელმა. „ევროკავშირის მიზანია კვლავაც შეუწყოს ხელი არბიტრაჟის უფრო ხშირ გამოყენებას კომერციული დავების მოგვარებისას საქართველოში“.

„მართლმსაჯულების ხელმისაწვდომობა ისეთი ეკონომიკური ზრდის წინაპირობაა, რომელიც საზოგადოების ყველა წევრზე აისახება“, - განაცხადა ლუიზა ვინტონმა, გაეროს განვითარების პროგრამის (UNDP) ხელმძღვანელმა საქართველოში. „UNDP მხარს უჭერს დავების ალტერნატიული გადაწყვეტის განვითარებას, რადგან ეს შესაძლებლობას აძლევს როგორც მოქალაქეებს, ასევე ბიზნეს კომპანიებს, არსებული დავები სასამართლოს მიღმა მოაგვარონ და ამით დრო და ფული დაზოგონ“.  

კონფერენციის მონაწილეებს ასევე მიმართა საქართველოს სავაჭრო და სამრეწველო პალატის პრეზიდენტმა - გიორგი პერტაიამ.

წელს “თბილისის არბიტრაჟის დღეები“ რამდენიმე ღონისძიებას აერთიანებს.

9 ოქტომბერს გაიმართა მსჯელობა 1958 წლის ნიუ-იორკის კონვენციის შესახებ ,,უცხოური საარბიტრაჟო გადაწყვეტილების ცნობა და აღსრულება“. სემინარი გახსნა საქართველოს უზენაესი სასამართლოს თავმჯდომარის მოვალეობის შესრულებელმა - მზია თოდუამ. ღონისძიების ორგანიზატორები იყვნენ  საქართველოს უზენაესი სასამართლო, GIAC და საერთაშორისო იურიდიული ფირმა „Shearman&Sterling”.

10 ოქტომბერს კონფერენციის მონაწილეებმა იმსჯელეს დამოუკიდებელი არბიტრაჟის რეგიონულ მნიშვნელობაზე და განიხილეს ბიზნესის დამოკიდებულება კომერციული დავების გადაწყვეტის სხვადასხვა გზის მიმართ.

11 ოქტომბერს, „თბილისის არბიტრაჟის დღეების“ დასასრულს, გაიმართება საინფორმაციო სემინარი ახალგაზრდა პრაქტიკოსებისთვის, რომლის ორგანიზატორები არიან საერთაშორისო საარბიტრაჟო ცენტრი (GIAC), საერთაშორისო სავაჭრო პალატის არბიტრაჟის ახალგაზრდული ფორუმი (ICC YAF, საფრანგეთი) და დავების მოგვარების საერთაშორისო ცენტრი (ICDR).

საკონტაქტო ინფორმაცია

  • სოფო მაქაცარია, GIAC, +995 591 650500, sofia_linhart@yahoo.com
  • თეიკო კანდელაკი, UNDP საქართველო, +995 599 103525, tinatin.kandelaki@undp.org
  • სოფო ჭიჭინაძე, UNDP საქართველო,, +995 599 196907, sophie.tchitchinadze@undp.org
  • თამარ მიქაძე, ევროკავშირის წარმომადგენლობა საქართველოში, +995 32 2943763, tamriko.mikadze@eeas.europa.eu

დამატებითი ინფორმაცია

Loading…
Loading…
Loading…
Loading…
Icon of SDG 16

UNDP მსოფლიო

ავღანეთი აზერბაიჯანი ალბანეთი ალჟირი ანგოლა არაბთა გაერთიანებული საამიროები არგენტინა

ბანგლადეში ბარბადოსი ბაჰრეინი ბელიზი ბელორუსი ბენინი ბოლივია ბოსნია და ჰერცოგოვინა ბოტსვანა ბრაზილია ბურკინა-ფასო ბურუნდი ბუტანი

გაბონი გამბია განა გვატემალა გვიანა გვინეა გვინეა-ბისაუ

დომინიკის რესპუბლიკა

ეგვიპტე ეთიოპია ეკვადორი ეკვატორული გვინეა ელ სალვადორი ერაყის რესპუბლიკა ერითრეა ესვატინი

ვენესუელა ვიეტნამი

ზამბია ზიმბაბვე

თურქეთი თურქმენეთი

იამაიკა იემენი ინდოეთი ინდონეზია იორდანია ირანი

კაბო-ვერდე კამბოჯა კამერუნი კენია კვიპროსი კოლუმბია კომოროსი კონგოს დემოკრატიული რესპუბლიკა კონგოს რესპუბლიკა კორეის სახალხო დემოკრატიული რესპუბლიკა კოსოვო კოსტა-რიკა კოტ-დივუარი კუბა

ლაოსის სახალხო დემოკრატიული რესპუბლიკა ლესოტო ლიბანი ლიბერია ლიბია

მადაგასკარი მავრიკიის და სეიშელის კუნძულები მავრიტანია მალავი მალაიზია მალდივები მალი მაროკო მექსიკა მიანმარი მოზამბიკი მოლდოვა მონტენეგრო მონღოლეთი

ნამიბია ნეპალი ნიგერი ნიგერია ნიკარაგუა

პაკისტანი პალესტინა (პალესტინის ხალხის მხარდაჭერის პროგრამა) პანამა პაპუა-ახალი გვინეა პარაგვაი პერუ

რუანდა რუსეთის ფედერაცია

სამოა სამხრეთ აფრიკა სამხრეთ სუდანი სან-ტომე და პრინსიპი საუდის არაბეთი საქართველო სენეგალი სერბეთი სიერა ლეონე სირია სომალი სომხეთი სუდანი სურინამი

ტაილანდი ტანზანია ტაჯიკეთი ტიმორ-ლესტე ტოგო ტრინიდადი და ტობაგო ტუნისი

უგანდა უზბეკეთი უკრაინა ურუგვაი

ფილიპინები

ქუვეითი

ყაზახეთი ყირგიზეთი

ჩადი ჩილე ჩინეთი ჩრდილოეთ მაკედონია

ცენტრალური აფრიკის რესპუბლიკა

წყნარი ოკენეს რეგიონი

ხორვატია

ჯიბუტი

ჰაიტი ჰონდურასი