ბორჯომის მუნიციპალიტეტმა, ევროკავშირისა და გაეროს განვითარების პროგრამის (UNDP) ხელშეწყობით, დაამტკიცა ტურიზმის განვითარების გენერალური გეგმა, რომელიც ასახავს პანდემიის ფონზე შექმნილი კრიზისის გამოწვევებს და მათთან გამკლავების გზებს ადგილობრივი ტურიზმის სფეროში.

დოკუმენტი წარმოადგენს სიღრმისეულ სახელმძღვანელოს მუნიციპალიტეტში ტურიზმის სექტორის განვითარების, ინვესტიციების მოზიდვისა და ახალი სამუშაო ადგილების შექმნის მხარდაჭერისთვის.