სექსისტური სიძულვილის ენა ქართულ სოციალურ მედიაში. 2020

25 ნოე. 2020

საზოგადოებრივ და პოლიტიკურ სფეროში აქტიურად ჩართული ქართველი ქალები ხშირად აღნიშნავენ, რომ დისკრიმინაციული, სექსისტური და შეურაცხმყოფელი გამონათქვამები ერთერთი მიზეზია, რომელიც პოლიტიკაში ქალთა არასაკმარის მონაწილეობას განაპირობებს.

გაეროს განვითარების პროგრამისა (UNDP) და შვედეთის მთავრობის ხელშეწყობით, არასამთავრობო ორგანიზაციებმა ეს მტკივნეული საკითხი საზოგადოებრივი განხილვის საგნად აქციეს და სოციალურ მედიაში სექსისტური და გენდერულად დისკრიმინაციული ენისა და გენდერული სტერეოტიპების გამოყენების შემთხვევები იკვლიეს.

კავშირმა „საფარი“ შეიმუშავა ინდიკატორები გენდერულად დისკრიმინაციული ენის გამოყენების კლასიფიცირებისა და შესაბამისი დარღვევების გამოსავლენად.

ამ მეთოდოლოგიაზე დაყრდნობით, არასამთავრობო ორგანიზაციამ „მედიის განვითარების ფონდი“ (MDF), 2020 წლის საპარლამენტო არჩევნების წინა პერიოდში, სოციალური მედიის მონიტორინგი ჩაატარა და ქალ პოლიტიკოსების წინააღმდეგ მიმართული შეურაცხმყოფელი, სექსისტური და დისკრიმინაციული ენის გამოყენების 200-მდე შემთხვევა გამოავლინა.

კვლევის შედეგები წარმოდგენილია ვებ-გვერდზე https://genderbarometer.ge/

• მოიძებნება აქ:
• Report
• Georgia
• Goal 05 Gender equality
• UN Women
• Sweden
• Publication
• Governance and peacebuilding
• UNFPA
• Gender equality
• Sustainable development