დედამიწის საათი 2014

18 მარტი 2014

თბილისი. საქართველოს გარემოსა და ბუნებრივი რესურსების დაცვის სამინისტროში გაიმართა პრეს–კონფერენცია დედამიწის საათის საქართველოში აღნიშვნასთან დაკავშირებით.

პრეს–კონფერენციაში მონაწილეობა მიიღეს ხათუნა გოგალაძემ, საქართველოს გარემოსა და ბუნებრივი რესურსების დაცვის მინისტრმა, ინიტა პაულოვიჩამ, გაეროს განვითარების პროგრამის ხელმძღვანელის მოადგილემ, ნანა ჯანაშიამ, კავკასიის გარემოსდაცვითი არასამთავრობო ორგანიზაციების ქსელის  CENN აღმასრულებელმა დირექტორმა და  თამაზ გამყრელიძემ, WWF საქართველოს წარმომადგენელმა.

წელს საქართველო მეექვსედ აღნიშნავს დედამიწის საათს, ყველაზე ფართომასშტაბიან მსოფლიო კამპანიას ჩვენი პლანეტის დასაცავად.

დედამიწის საათის აღნიშვნა საქართველოში აერთიანებს სამოქალაქო საზოგადოებას, ბიზნეს-სექტორს, საერთაშორისო ორგანიზაციებს, სამთავრობო უწყებებს, სტუდენტებსა და მოქალაქეებს.

დედამიწის საათის აღსანიშნავი ღონისძიება გაიმართება მრგვალ ბაღში, გაეროს სახლის წინ,შაბათს, 29 მარტს, 20:00 – 21:00.

შემოგვიერთდით დედამიწის საათის აღსანიშნავად. გამორთეთ სინათლე ერთი საათით შაბათს, 29 მარტს, ჩვენი ნათელი პლანეტისათვის.

საკონტაქტო ინფორმაცია

ინგა ნიკაგოსიანი, გარემოსა და ბუნებრივი რესურსების დაცვის სამინისტრო,  pr@moe.gov.ge, +995 577 293973 (cell)

სოფო ჭიჭინაძე, UNDP საქართველო, sophie.tchitchinadze@undp.org, +995 599 196907 (cell)

ნატალია ფარცხალაძე, CENN, natalia.partskhaladze@cenn.org, +995595117477

პრეს სამსახური
სოფო ჭიჭინაძე პრეს სამსახურის ხელმძღვანელი
sophie.tchitchinadze@undp.org +995 32 2251126 ext.158