გენდერული თანასწორობის ჯილდო 2014

7 მარტი 2014

imageუმაღლესი ჯილდო გენდერული თანასწორობისათვის გადაეცა მიკროსაფინანსო ორგანიზაცია "ალიანს ჯგუფს". 2014. ფოტო: დავით ხიზანიშვილი/UNDP

7 მარტი 2014, თბილისი. ოცდაათზე მეტმა ბიზნეს კომპანიამ, სამთავრობო სტრუქტურამ, ადგილობრივი თვითმმართველობის ორგანომ და ორგანიზაციამ მიიღო მონაწილეობა კონკურსში გენდერული თანასწორობის ჯილდოსათვის. გამარჯვებულთა დაჯილდოვება გაიმართა საზეიმო ცერემონიაზე.

კონკურსის ორგანიზატორია გაეროს განვითარების პროგრამა საქართველოში შვედეთის მთავრობის ხელშეწყობით.

საზეიმო ცერემონიას ესწრებოდნენ ქართული და საერთაშორისო ბიზნესის, საქართველოს მთავრობის, საქართველოს პარლამენტის, სამოქალაქო საზოგადოების, საერთაშორისო ორგანიზაციებისა და მედიის წარმომადგენლები.

ცერემონია გახსნეს დიანა იანსემ – შვედეთის სამეფოს ელჩმა საქართველოში, ინიტა პაულოვიჩამ – გაეროს განვითარების პროგრამის ხელმძღვანელის მოადგილემ, და ირაკლი სესიაშვილმა – საქართველოს პარლამენტის თავდაცვისა და უშიშროების კომიტეტის თავმჯდომარემ.

ჯილდო გენდერული თანასწორობისათვის გამარჯვებულებს გადასცეს მანანა კობახიძემ – საქართველოს პარლამენტის გენდერული თანასწორობის საბჭოს თავმჯდომარემ, გაეროს, შვედეთის მთავრობისა და საქართველოს პარლამენტის წარმომადგენლებმა.  

კონკურსი გაიმართა ყოველწლიური გენდერული კვირეულის ფარგლებში, რომლის ინიციატორია გაეროს ერთობლივი პროგრამა „გენდერული თანასწორობისათვის საქართველოში“ შვედეთის საერთაშორისო განვითარებისა და თანამშრომლობის სააგენტოს (Sida) ხელშეწყობით.

წლევანდელი გენდერული კვირეულის სლოგანია: გენდერული თანასწორობა პროგრესია ყველასთვის.

გამარჯვებულები:

უმაღლესი ჯილდო გენდერული თანასწორობისათვის:

მიკროსაფინანსო ორგანიზაცია „ალიანს ჯგუფი“

ჯილდო გენდერული ბალანსისთვის აღმასრულებელ დონეზე:

პროკრედიტ ბანკი საქართველო

საქართველოს ეკონომიკისა და მდგრადი განვითარების სამინისტრო

ჯილდო საუკეთესო და ინოვაციური გენდერული პოლიტიკისთვის ორგანიზაციის შიგნით:

საერთაშორისო კორპორაცია „აი სი არ“

ჯილდო - საუკეთესო მეწარმე ქალი

ირმა დაუშვილი, შპს „დიო“

განსაკუთრებული აღიარება

ტექნიკურ პოზიციებზე ქალების წახალისებისთვის: BP საქართველო

მამების დეკრეტული შვებულების  წახალისებისთვის: ბანკი„კონსტანტა“

სოციალური და საზოგადოებრივი აქტივიზმითვის: ია მამალაძე, გურია ნიუსი

განსაკუთრებული აღიარება მიღწევებისთვის გენდერული თანასწორობის საქმეში:

მანანა კობახიძე, საქართველოს პარლამენტის გენდერული თანასწორობის საბჭოს თავმჯდომარე

რუსუდან კერვალიშვილი, საქართველოს პარლამენტის გენდერული თანასწორობის საბჭოს ყოფილი თავმჯდომარე

 

საკონტაქტო ინფორმაცია

მაკა გვრიტიშვილი, UNDP საქართველო:  551 988999 (მობილური), maka.gvritishvili@undp.org

სოფო ჭიჭინაძე, UNDP საქართველო: 599 196907 (მობილური), sophie.tchitchinadze@undp.org