საკრებულოს წევრი ქალები უკეთესი ადგილობრივი თვითმმართველობისთვის

20 მაისი 2013

imageსაკრებულოს წევრი ქალბატონები შიდა ქართლში. ივლისი 2012. ფოტო: დავით ხიზანიშვილი/UNDP

თბილისი. 20 მაისი, 2013  - საქართველოში დაარსდა საკრებულოს წევრ ქალთა ფორუმი, რომელიც ხელს შეუწყობს ქალთა როლის გაძლიერებას ადგილობრივ თვითმმართველობაში. ამ მიზნით დღეს თბილისში შეიკრიბა 180 საკრებულოს წევრი ქალბატონი საქართველოს სხვადასხვა რეგიონიდან, რომლებმაც განიხილეს ფორუმის კონცეფცია და ხელი მოაწერეს ერთობლივ დეკლარაციას. 

კონფერენცია ორგანიზებული იყო საქართველოს მუნიციპალური მომსახურების უზრუნველმყოფთა ასოციაციის (MSPA) მიერ ”ქალებს შეუძლიათ მართონ ქვეყანა: ადგილობრივ თვითმმართველობაში გენდერული თანასწორობის მხარდასაჭერად” პროექტის ფარგლებში. პროექტი ხორციელდება გაეროს ერთობლივი პროგრამის ”გენდერული თანასწორობის ხელშეწყობისთვის საქართველოში” მხარდაჭერით შვედეთის საერთაშორისო განვითარების სააგენტოს (SIDA) დაფინანსებით.

„ქალებს უკეთ ესმით ყოველდღიურ ცხოვრებასთან დაკავშირებული საკითხები. მათ შეუძლიათ გავლენა მოახდინონ ადგილობრივი თვითმმართველობის დონეზე გადაწყვეტილებების ფორმირებაზე. საკრებულოს წევრ ქალთა ფორუმი წარმოადგენს ძლიერ პლატფორმას, რომელიც დაეხმარება ქართველ ქალებს უფრო აქტიურად ჩაერთონ ადგილობრივ თვითმმართველობაში, " თქვა გაეროს მუდმივმა კოორდინატორმა, ჯეიმი მაკგოლდრიკმა.

კონფერენციის მონაწილეებს სიტყვით მიმართეს საქართველოს პარლამენტის ვიცე-სპიკერმა და გენდერული თანასწორობის საბჭოს თავმჯდომარემ მანანა კობახიძემ; რეგიონული განვითარებისა და ინფრასტრუქტურის მინისტრმა დავით ნარმანიამ; სოფლის მეურნეობის მინისტრის მოვალეობის შემსრულებელმა შალვა ფიფიამ და პარლამენტის წევრმა თინა ხიდაშელმა.

მონაწილეები ასევე შეხვდნენ  სხვადასხვა სამინისტროების წარმომადგენლებს, გენდერული თანასწორობის საბჭოს, პარლამენტისა და აჭარის უმაღლესი საბჭოს წევრებს.

საკონტაქტო ინფორმაცია

მაკა გვრიტიშვილი, UNDP საქართველო: 551 988999(მობილური), maka.gvritishvili@undp.org

სოფო ჭიჭინაძე, UNDP საქართველო: 599 196907 (მობილური), sophie.tchitchinadze@undp.org

პრეს სამსახური
სოფო ჭიჭინაძე პრეს სამსახურის ხელმძღვანელი
sophie.tchitchinadze@undp.org +995 32 2251126 ext.158
უახლესი პრეს რელიზები
ყველა პრეს რელიზი
UNDP სოციალურ მედიაში