აჭარის კლიმატის ცვლილების სტრატეგია საქართველოს მესამე ეროვნული შეტყობინების შემადგენელი ნაწილია.

დოკუმენტი შეისწავლის კლიმატის ცვლილების ზეგავლენას აჭარის ეკონომიკასა და ბუნებრივ ეკოსისტემებზე. მასში შეფასებულია კლიმატის მოსალოდნელი ცვლილების სავარაუდო გავლენა- პროგნოზი ეყრდნობა მეორე ეროვნულ შეტყობინებაში დამუშავებულ მოდელებს.

საქართველო არის გაეროს კლიმატის ცვლილების ჩარჩო კონვენციის მონაწილე, და შესაბამისად, ვალდებულია მოამზადოს ეროვნული შეტყობინება - დოკუმენტი, რომელიც შეიცავს ინფორმაციას ქვეყნის მდგომარეობის, სასათბურე გაზების გამოფრქვევის, კლიმატის ცვლილების შესაძლო ზეგავლენის, შერბილებისა და ადაპტაციის შესახებ.