წარმოდგენილი სამოქმედო გეგმის მიზანია, ხელი შეუწყოს საქართველოს პარლამენტის მიერ ასოცირების შეთანხმების განხორციელებას. ასევე, განსაზღვროს პარლამენტის სტრატეგიული მიზნები, ამოცანები და კონკრეტული აქტივობები, რომლებიც უკავშირდება შეთანხმების შესრულებისას საქართველოს უმაღლესი საკანონმდებლო ორგანოს საზედამხედველო და კანონშემოქმედებით საქმიანობას, აგრეთვე, აღნიშნულ თემაზე მოსახლეობასთან კომუნიკაციას.

დოკუმენტი შემუშავებულია ევროკავშირისა და გაეროს განვითარების პროგრამის (UNDP) ერთობლივი პროექტის - „საპარლამენტო დემოკრატიის სისტემის გაძლიერება საქართველოში“ ფარგლებში. დოკუმენტი მოამზადეს პარლამენტის შესაბამისი კომიტეტების წარმომადგენლებმა პროექტის კონსულტანტების დახმარებით.